شيماء سيف : زوجي هو في خانة الحب عندي لوحده... وأتمنى أعيش مرحلة الأمومة

تحدثت الفنانة شيماء سيف عن طفولتها، وذكرياتها مع جدتها الراحلة، وتفاصيل يوم وفاتها، مشيرة إلى أن وفاة جدتها كان مثل طلقة النار بالنسبة لها.

نشأة شيماء سيف

وقالت شيماء سيف خلال لقاء تلفزيوني لها: اتربيت في شبرا، وخدت منها كل حاجة في الحياة، كنت قاعدة في بيت جدتي في الدور الأول، وطول الوقت كنت قاعدة على الشباك بره، وكل اللي رايح واللي جاي ياخدك

فأنا اتربيت في بيوت كتير بأشكال كتير ومستويات كتير، وكل البيوت كانوا جزء مني وسابوا جوايا حاجات، فيه اللي دكتور وفيه اللي سواق تاكسي، وشفت التعاملات، والحاجة الوحدية اللي كلهم مشتركين فيها الأصالة والجدعنة.

وأضافت شيماء سيف: لسه بزورهم، والحاجات صغرت أوي عليا، يعني زمان كنت بكون بشوف مدخل البيت كبير، دلوقتي أقسم بالله بدخل بالجمب، والعيشة في قصور جمب بيت فيه ذكرياتك وريحة أهلك زمان ولا يجي حاجة، مهما سكنت وعشت، مفيش زي السعادة وراحة البال اللي أنت كنت فيها.

وتابعت شيماء سيف: أنا اتربيت مع جدتي، لأن أمي كانت بتشتغل طول الوقت، وأمي كانت عايشة مع جدتي الأول لحد ما أخواتي كبروا رجعت بيتها، وأنا البنت اللي جت غلطة وجدتي كانت متعلقة بيا جدًا، لدرجة أني زمان كنت متخيلة أن جدى هو بابا وجدتي هي ماما لحد ما كبرت شوية واستوعبت.

شيماء سيف تنفي الانفصال

نفت الفنانة شيماء سيف الأخبار المنتشرة حول طلاقها من زوجها المنتج محمد كارتر.

قالت شيماء سيف: "أتمنى من الله أن يكرم زوجي، ويفضل في حياتي ويفضل يحبني، هو في خانة الحب عندي لوحده"، حسب تصريحاتها لقناة "المشهد".

وكشفت شيماء سيف أنها تتمنى إنجاب طفلا، قائلة: "أتمنى عيش مرحلة الأمومة قريبا، يارب يرزقني أنا وكارتر بولد أو بنت، اللي يجيبه ربنا حلو".

التنمر على وزن شيماء سيف

كشفت الفنانة شيماء سيف أن أسرتها لم تتعرض لأي انتقادات من أسرتها بسبب وزنها الزائد أو شكلها.

قالت شيماء سيف: "أحسن حاجة عملوها أهلي أن عمرهم ما علقوا على وزني وشكلي، ده اللي خلاني أتربى أنا وحاسة أنه عادي، بس لما طلعت من دايرة عيلتي عرفت بقى التريقة والتعليقات الوحشة"، حسب تصريحاتها في "المشهد".

وتابعت: أنا شايفة نفسي حلوة حلاوة ودي كارثة، دي نعمة آه بس بيني وبين نفسي، لكن الناس بيقولوا لي هو أنتِ مش فارق معاكي؟ وآه والله ما فارق معايا وشايفة نفسي ليدي جدا.

وكشفت شيماء سيف عن امتناعها عن شراء الملابس الجاهزة منذ فترة، قائلة: "كنت في محل بشتري هدوم وكنت بمسك حاجة قامت البنت شدتها ايدي وقالت لي (ده لو قستيه هتقطعيه)، بعدها بطلت أشتري هدوم من برا، وفضلت فترة طويلة افصل هدومي لنفسي".

يذكر أن شيماء سيف شاركت في موسم رمضان الماضي من خلال دورها في مسلسل "1000 حمد الله على السلامة"، وهو من إخراج عمرو صلاح وتأليف محمد ذو الفقار، ومن بطولة يسرا، آدم الشرقاوي، مايان السيد، شيماء السيف، محمد ثروت، إيمان السيد، وعنبة، وعرض على قناة CBC وCBC Drama ومنصة Watch IT.