فيفي عبده: الراقصة دلوقت بقت بزمبلك ولما كنت فقيرة مكانش عندي فلوس أشتري بدلة رقص

كشفت الفنانة فيفي عبده عن رأيها في الجيل الجديد من الراقصات الشرقيات، واختلاف جمهور الرقص في الوقت الحالي عن الجمهور في فترات سابقة.

وقالت فيفي عبده خلال حوارها مع الإعلامية فاطمة مصطفى في برنامج "الراديو بيضحك" المذاع عبر الراديو 9090: "الجيل الجديد في الرقص بعافية شوية، وكان زمان الرقص له قيمته، وحتى المتفرج كان له تقله، والراقصة لها تقلها، دلوقتي بقت زمبلك كإنها لعبة وكلهم بيقلدوا بعض".

وردا على سؤال عن ذكرياتها مع رقصات مسرحية "حزمني يا"، قالت فيفي عبده: "أنا كسرت الدنيا بالجلابية في المسرحية. لما كنت فقيرة مكانش عندي فلوس أشتري بدل رقص، وأول ما ربنا إداني واشتغلت بقيت أشتري هدوم علطول".

وتابعت: "حزمني يا كان فيها 5 مصممين علشان أرقص في المسرحية، وكل يوم أغير طقم ما عدا الجلابية البيضا".

وأعربت فيفي عبده عن أسفها لعدم تصوير المسرحيات التي قدمتها قائلة: "غلطة عمري إني مصورتش المسرحيات اللي عملتها، حوالي 15 مسرحية صوروا منها 3، واحدة مع سعيد صالح اسمها اخطف واجري، ومسرحية في الكويت، وحزمني يا".